Sorglega latur bloggari!!

Jæja nú er kallinn sestur aftur við tölvuna að hamra lyklaborðið í gríð og erg.  Hef ekki verið neitt sérlega upprifinn við tölvuna en þetta er allt að koma.  Maður hefur heldur ekki tíma til að blogga maður verður víst að fylgjast með pólitíkini  Glatað dæmi þetta rugl og allir lofa þeir meira en þeir geta staðið við.  Væri nú samt alveg til í að vera með laun þessa fólks, þá getur maður sagt ósatt nú eða farið í kringum hlutina.  Það er nú annað en við þessir almennu borgarar, best að vera þingmaður nú eða bankamógúll já og stórkaupmaður þá eru þetta allt minni háttar skandalar.  Þeir minna mig stundum á lítið barn sem tekur snuðið af öðru barni við vitum öll hvað gerist þá!        En nóg af þessu rugli, fengum kærkomna heimsók á Sunnudaginn takk takk Ómar og Kristín og Þórdís skvísa fyrir innlitið.  Alltaf gaman að sjá ykkur og sjá litla snillan í fjölsk.

Með bestu kveðjur úr Mosó.

   

 

Svaf í sófanum!!!

Eins og fyrirsögnin hér að ofan bendir til gætu sumir haldið eitt og annað en lesið þá bara áfram.  Minn skellti sér neflilega á pílumót á föstudagskvöldið nánar á lokamót á þessum vetri (lokahóf), ekki var árangurinn sem bestur nema bjórinn rann ljúflega  í minn maga og hélt áfram að renna eftir mót.  Þetta þætti ekki frásögu færandi nema að loknum mörgum bjórum á nokkrum pöbbum skreið kallinn heim.  Þegar heim var komið svona á milli tannhirðu og svefns ákvað Siggi Sölva ofurölva að kíkja í sófan og horfa á sjónvarp!! Ekki gáfulegt, get ómögulega munað hvað verið var að sýna.     Nú fyrir þá sem þekkja aðra heimilismeðlimi getið þið ímyndað ykkur grínið og þarna lá ég nær allan Laugardaginn og vorkenndi sjálfum mér  En hef þó einns og alltaf í gamla daga lofað mér því að gera þetta aldrei aftur .   

    Með bestu kveðju frá okkur öllum.......

Páskar

Jæja gott fólk,nú er fríið búið og rútínan að byrja aftur, vinna éta skíta sofa, sem er ágætt, maður er að verða svona rass-síður á sófa ísetu.  En páskarnir liðu þannig að ég gerði ekkert bara ekkert, sem er ágætt þegar maður er í fríi...  Nei annars ég ryksugaði og skúraði og þá er það upptalið. Heimsborgararnir Ómar og Kristín komu við í gær og svei mér þá ef ég greindi ekki bara frenskan hreim,gott hjá þeim að skella sér útog en betra að koma við því það er alltaf gaman að sjá þau!! Ég heyrði líka í pabba í gær gaman að spjalla við hann!!!Minns var að koma inn mað hundinn og viti menn það rignir hérna,hver hefði trúað því Hér eru annars allir hressir og kátir.

   Með bestu kveðju úr Moso

   

Latur

Nú er kallinn búinn að vera svo latur undanfarið að hann er orðinn þreyttur á letinni,svo nú er nóg komið!! Var að horfa á sorglegan körfuboltaleik þar sem mitt lið tapaði  þannig að ég er hættur að horfa á þessa ömurlegu íþrótt.  En gleði tíðindin eru að Arsenal tapaði um helgina.   ANITA frænka ha ha.  Kallinn er líka orðinn þreyttur á öllu stressinu hérna en ég sannfæri sjálfan mig um að þetta sé árstímin.  Allt blautt og drulla um allt og maður sekkur í skít,samt ekki skít Fyndnir þessir broskallar eða bros-skallarenginn með hár!!!En svona smá fréttir í lokin, allir hressir og kátir,

 með bestu kveðju Balkan og co

 

ps:  Hafið þið heyrt talað um gestabók ?  HA ?  Bara að tékka sko því það má kvitta í mína

Væri ekki gaman ef ...

1. Maður væri sex tíma á dag í vinnuni?
2. Maður hefði laun bankastjóra?
3. Maður væri stór og sterkur?
4. Maður ætti Mini One?
5. Maður ætti sumarhús á spáni?
6. Maður ætti fótboltalið?   Nei þetta gengur ekki upp því maður á bankastjóralaunum og vinnur bara sex tíma a´dag..rekinn!!stór og sterkur kemst ekki inní Mini!!!Og það dettur engum í hug sem á sumarhúsá spáni ad kaupa fótboltalið????         

Gæti verið meira fjör

Nú er laugardagskvöld og kallinn hangir bara aleinn heima...mmm nei ég og hundurinn erum einir heima.Rosa stuð hjá okkur erum að huxa um smá labbitúr.eða hundurinn er að huxa og ég að slappa af.Það er mjög einkennilegt að það má ekki segja út,úti,bíll,bílinn,labbitúr.Og heldur ekki skrifa þessi orð þá er skepnan mætt og farinn að hoppa og skoppa í kringum mann.Mér er víst ekki til setunar boðið en að farí skóna og labba af stað Farið þið vel með ykkur kv Balkan

Fyrsta færslan hjá sveitavargnum

Nú er fjör hjá balkan,hann er alveg búnað tapa glóruni og er byrjaður að blogga!!þetta er ný reynsla fyrir balkan svo þið skulið vera alveg róleg hann er ekkert rosa skarpur á lyklaborðinu.En æfingin skapar meistarannog meistarinn er ÉG en nú er þetta orðið gott í kvöld og sofið þið vel

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.